طبیعي پېښو ته د رسېدو په چارو کې د دولت وزارت وایي، د جاپان د بهرنیو چارو وزارت د منځنۍ اسیا د دویمې برخې مسئول له افغانستان سره په بېلابېلو برخو کې ۳۶ میلیون ډالر مرسته کوي. 

طبیعي پېښو ته د رسېدو په چارو کې د دولت وزیر ملامحمد عباس اخوند د جاپان د بهرنیو چارو وزارت د منځنۍ اسیا دویمې برخې مسئول ریویچي فونتسو سره په کتنه کې په افغانستان کې د ګډو پروګرامونو او پروژو په اړه خبرې اترې کړي. 

په دې کتنه کې د افغانستان او جاپان د دوه اړخیزو اړیکو په پیاوړتیا ټینګار د ترڅنګ دغه جاپاني چارواکي له افغانستان سره د جاپان د مرستو پر دوام سربیره د روان میلادي کال تر پایه له افغانستان سره د جاپان د ۳۶ میلیون ډالره مرستې ژمنه کړې. 

دا په داسې حال کې ده، چې جاپان تېر کال هم له افغانستان سره په بېلابېلو برخو کې ۵۸ میلیون ډالره مرسته کړې وه.