الجزیرې ټلوېزیون خبر ورکړی، ټاکل شوې د اسرائیلو لومړی وزیر د راتلونکې دوشنبې په ورځ پر غزې د بریدونو، د ایران اټومي تاسیسات او پر اسرائیلو د امریکا ولسمشر ډونالډ ټرمپ له لوري لګول شوې تعرفې په هکله واشنګټن ته سفر وکړي.

راپور کې د څلورو باخبره سرچینو په حواله ویل شوي، نتنیاهو د امریکا او ایران ترمنځ د نوې اټومي موافقې چانس خورا کم بولي چې په موخه یې غواړي یوې هوکړې ته ورسېږي.

د امریکا له لوري ایران ته د اټومي مذاکراتو په اړه د مستقیمو خبرو لیک وروسته له هغې د نړیوالو رسنیو د خبرونو سرټکی وګرځېد چې دواړو هېوادونو په خپل دریځ کلک ټینګار وکړ.

ټرمپ څو ورځې وړاندې په یوې ټلوېزیوني مرکه ایران ته خبرداری ورکړ، چې د منفي ځواب په صورت کې به یې سخت بمبارد کړي.