د میانمار دولتي سرچینو ویلي، پرون جمعه د رېښتر په کچه ۷ اعشاریه ۷ درجې زورورې زلزلې د میانمار ګڼ ښارونه ولړزول، چې د مړو شمېر تر ۶۹۴ ته لوړ شو.

رویټرز خبري اژانس له هغه هېواده په وروستي راپور کې وايي، د سلګونو وژل شویو سربېره ۱۶۷۰ تنه نور ټپیان شوي دي.

اژانس وايي، نن شنبه میانمار ته نړیوالې مرستې داخلې شوې دي.

د امریکا جیولوجیکل سروې (USGS) ادارې په وینا، د پرونۍ زورورې زلزلې ټکانونو د ټایلنډ او چین جنوبي برخې هم لړزولې دي.

رپوټونه وايي، زلزله د جمعې په ماسپښین وشوه چې مرکز یې د میانمار منډالای ښار ته څېرمه و، چې له امله په ډېری سیمو کې ودانۍ، سړکونه او پلونه ونړېدل.

#حریت_راډيو

حریت واټساپ چېنل: https://whatsapp.com/channel/0029VaNGcTeEKyZNETeJj72z