د ایران بهرنیو چارو وزیر سید عباس عراقچي ویلي، د افغانستان وړتیا او جذب ته په کتو به له ایرانه د افغان کډوالو د بیرته ستنولو لړۍ په تدریجي او با عزته ډول ترسره کړي.

 عراقچي ایرنا خبري اژانس ته ویلي، ایران د اسلامي امارت چارواکو سره په ګډه د افغان کډوالو د ویستلو طرحه ترتیب کړې، چې د دې طرحې له مخې به د کډوال بیرته ستنول به تدریجي او ابرومند وي.

 نوموړي زیاته کړې، کابل ته د خپل وروستي سفر په ترڅ کې یې د اسلامي امارت چارواکو سره د کډوالو بیرته ستنولو په اړه خبرې کړې دي او دواړو لوریو د غیرقانوني کډوالو په بیرته ستنولو ټینګار کړی.

 افغان چارواکو د بېلابېلو هېوادونو په ځانګړي ډول ایراني او پاکستاني چارواکو سره په خپلو ناستو کې په باعزته ډول د افغان کډوالو په بیرته ستنولو ټینګار کړی او له دغو هېوادونو یې غوښتي، چې اجباري ستنېدنه ودروي.