د هند لومړي وزیر نریندرا مودي ویلي، د پاکستان تروریستي ډلې نه یوازې هند بلکې نړۍ ته ګواښ دی په خبره یې، دا ډلې هلته ورځ تر بلې د پراختیا په حال کې دي.

نوموړي دغه څرګندونې په یوه غږیز کلیپ کې د بولان له پېښې وروسته کړې دي.

پاکستان هغه مهال چې بولان کې پر اورګاډي د بلوڅ ازادي غوښتونکو له لوري برید وشو د یادې پېښې په تړاو یې افغانستان او هند تورن کړل خو دواړو هېوادونو د پاکستان دغه څرګندونې رد او زیاته کړې وه، چې پاکستان د تورونو په ځای دې خپل امنیت ته پام وکړي.

ټایمز اف انډیا رسنۍ وايي، مودي په وروستیو څرګندنو کې زیاته کړې چې پاکستان کې تروریستي فکر ژورې ریښې لري او د نړۍ هر ځای چې ترهګریز بریدونه ترسره کیږي د پاکستان همکاري ورسره وي.

سرچینه وايي، مودي په خپلو څرګندونو د هند او پاکستان ترمنځ د جګړو تاریخ ته اشارې سره زیاته کړې، چې پاکستان د ناکرارۍ مرکز دی او د تاریخ په اوږدو کې یې سوله اییز ژوند نه دی غوره کړی.

د هند لومړي وزیر نریندرا مودي ویلي، د نړۍ له نظره تروریزم او تروریستي فکر په پاکستان کې ژوره ریښه لري او د نړۍ په ډېریو ترهګریز بریدونو کې د پاکستان همکاري موجوده وي.