تازه چین او اروپايي ټولنې د امریکا له لورې پر دوی د لګېدلو تعارفو پر ضد غبرګون ښودلی او د باالمثل عمل ګواښ یې کړی دی.

رویټرز خبري اژانس همدې غبرګونونو ته په کتو لیکلي، د ټرامپ له لوري د نړۍ پر یو شمیر هېوادونو تازه لګېدلې تعارفې سوداګریزې جګړې ته لمن وهل دي.

رویټرز اژانس راپور کې راغلي، د ټرامپ وروستۍ پرېکړې له مخې، په ګڼو هېوادونو له ۱۰ تر ۴۹ سلنه تعرفې وضع شوې، چې سوداګریزې جګړې ته په چټکۍ سره زمینه برابر وي.

ټرمپ د چهارشنبې په ورځ د نړۍ په ګڼو هېوادونو د تعرفو نوملړ کې ویلي، چې امریکا ته له نورو هېوادونو پر واردېدونکو ټولو موټرونو ۲۵ سلنه او پر پاتې نورو ټولو توکو ۱۰ سلنه تعرفه پلې کوي.

په خپاره شویو جزیاتو کې راغلي، چې نوموړي د اروپایي ټولنې پر صادراتو ۲۰ سلنه، پر چین ۳۴ سلنه او یو شمېر نورو هېوادونو تر ۵۰ سلنه تعرفه لوړه کړې ده.

اقتصاد پوهانو خبرداری ورکړی، چې د هېوادونو له لوري لوړې تعرفې د نړیوال اقتصاد کمزوری کېدو سربېره سوداګریز کړکیچ ته لار برابر وي.