رسنیو کې د اسلامي امارت وړاندې کېدونکی تصویر ناسم دی
کابل ته د اندونیزیا پلاوي مشر او د دې هېواد مخکیني مرستیال ولسمشر یوسف کالا د ملي دفاع وزیر مولوي محمد یعقوب مجاهد سره کتنه کې ویلي، د افغانستان په ځانګړي ډول د اسلامي امارت په اړه رسنیو کې خپرېدونکي معلومات یوازې پوچ تبلیغات دي.
کالا ویلي، افغانستان امن دی او په اقتصادي برخه کې یې پرمختګ کړی دی.
نوموړي افغانستان سره په بېلابېلو برخو کې دهمکارۍ او پانګونې ژمنې کړي دي.
په دې ورستیو کې کابل ته د اسلامي هېوادونو سر بېره د یو شمیر نورو مهمو نړېوالو بنسټونو استازو تګ راتګ زیات شوی دی.
