تخار کې دوه انسان تښتوونکي نیول شوي
کورنیو چارو وزارت خبر ورکړی، چې د تخار ولایت د امنیه قومندانۍ امنیتي ځواکونو د یوې ۹ کلنې نجلۍ د تښتولو په تړاو دوه تنه انسان تښتوونکي نیولي دي.
یاد وزارت ویلي، انسان تښتوونکو دغه نجلۍ څو ورځې وړاندې د تخار ولایت له رستاق ولسوالۍ څخه تښتولې وه.
یاد کسان د کشفي معلوماتو په اساس د دې ولایت په هزار سموچ ولسوالۍ کې نیول شوي او امنیتي ځواکونو ور څخه یو مېل تومانچه هم ترلاسه کړې ده.
د یادونې وړ ده، چې امنیتي ځواکونو وړمه ورځ هم په ننګرهار کې یو ماشوم د انسان تښتوونکو له منګولو ژغورلی و.
