د کابل ښار د ۱۵ مې ناحیې سیمه کې ۱۵ امنیتي کمرې نصب شوې دي
دې وزارت زیاته کړې چې د کابل ښار په مهمو سیمو کې د امنیتي کمرو نصب دوام لري، او د یادو کمرو نصب د کورنیو چارو وزارت پنځه کلن ستراتیژیک پلان یوه مهمه برخه ده.
ورته مهال هیوادوال په کابل او نورو مهمو ښارونو کې د امنیتي کمرو نصب اړین بولي او زیاتوي، چې د دې کمرو نصب د جرمونو کمېدلو او مجرمینو تعقیب لپاره ګټور تمامېدلای شي.
دا په داسې حال کې ده، چې کورنیو چارو وزارت څه موده وړاندې په کابل ښار په بېلابېلو سیمو کې د ۶۲ زره امنیتي کمرو د نصب خبر ورکړی و.
