د افغانستان اسلامي امارت د کابل – کندهار په لویه لار د نن ورځې ترافیکې پېښي په اړه ژوره خواشیني څرګنده کړې.

 اسلامي امارت په خپره کړې اعلامیه کې ویلي، د دغې دردونکې پېښي له کبله د قربانیانو کورنیو ته تسلیت وایي، او ټپیانو ته یې د الله له درباره د بېړنۍ شفا غوښتنه کړې.

 اعلامیه کې راغلي، مسئول ارګانونو ته سپارښتنه کیږي چې د پېښي لاملونه جدي وڅېړي او د ټپیانو درملنې ته جدي پاملرنه وکړي.

 د یادونې ده، چې نن چهارشنبه د کابل – کندهار په لویه لار د پغمان ولسوالي اړوند ارغندې سیمه کې د یوه ۵۸۰ ډوله مسافر وړونکي بس اوښتو پېښه کې ۲۵تنو ژوند له لاسه ورکړ او ۲۷ نور ټپیان شول.

 د یادونې ده، چې کورنیو چارو وزارت د ترافیکي پېښو مخنیوي په موخه بېړنۍ غونډه کړې او پرېکړه یې کړې هغه موټر چلوونکي چې له ترافیکي قوانینو سرغړونه کوي موټرونه به یې ودرول شي او دوی به سره به قانوني چلند وشي.