د ننګرهار امنیه قومندانۍ ویاند سید طیب حماد حریت راډیو ته ویلي؛ امنیتي ځواکونو د خپلو پرله‌پسې او هدفمندو عملیاتو په ترڅ کې د سره‌رود ولسوالۍ د کوز سلطان‌پور کلي د یوې کورنۍ د شپږو غړو د وژنې په تړاو یو بل تن چې یاده پېښه کې یې لاس درلود نیولی.

له نیول شوي کس څخه د متقولینو پاسپورټونه هم ترلاسه شوي، چې د بهر سفر لپاره یې تیار کړي وو.

نیول شوي کس په خپلو اعترافونو کې څرګنده کړې چې د یادې پېښې په ترسره کولو کې یې مستقیم لاس درلود او دا عمل یې د خپلو نورو ملګرو په همکارۍ ترسره کړی.

نوموړی به تر لومړنیو څېړنو وروسته عدلیي او قضایي ارګانونو ته وسپارل شي.