کورنیو چارو وزارت د ترافیکي پېښو مخنیوي په موخه بېړنۍ غونډه کړې
د کورنیو چارو وزارت د دفتر رئیس لوی پاسوال مولوي زین الله عابر په مشرۍ د ترافیکي پېښو مخنیوي په موخه بېړنۍ غونډه کړې.
یاد وزارت ویلي، دغه غونډه یې د کابل – کندهار پر لویه لار د وروستیو ترافیکي پېښو مخنیوي او شننې په اړه کړې، چې له کبله یې ګڼو هېوادوالو ته مرګ ژوبله اوښتې.
غونډه کې د ترافیکي پېښو مخنیوي پر عملي لارو چارو بحث شوی او د ترافیک پولیسو او عامه امن پولیسو ترمنځ په دوامدارې همغږۍ ټینګار شوی.
یاده غونډه کې پرېکړه شوې هغه موټر چلوونکي چې له ترافیکي قوانینو سرغړونه کوي موټرونه به یې ودرول شي او دوی به سره به قانوني چلند وشي.
