د کانونو او پټرولیم وزارت خبر ورکړی، ملا هدایت الله بدري په مشرۍ لوړپوړي افغان پلاوي د تاتارستان جمهوریت په رسمي بلنه د یاد هېواد نفتو، ګازو او کیمیاوي صنعتي فورم کې ګډون او وینا کړې.

ملا هدایت الله بدري یاد فورم کې د دواړو هېوادونو اړیکو، د افغانستان نفت او ګاز زېرمو او له یاد هېواده د ټکنالوژۍ لېږد په اړه خبرې کړې دي.

نوموړي پانګوالو ته د افغانستان کاني زېرمو کې د پانګونو بلنه ورکړې.

ښاغلي بدري همداراز د تاتارستان ولسمشر سره کتنه کې خپل وړاندیزونه او نظریات شریک کړي او پرېکړه یې کړې، چې د همکاریو زمینې پراخېدو لپاره دې ګډه تخنیکي کمېټه جوړه شي.

تاتارستان چارواکو افغان زده‌کړیالانو ته د تحصلیي بورسونو او د مسلکي ظرفیتونو لوړولو برخه مې د همکارۍ ژمنه هم ورکړې.

هدایت الله بدري د تات نفتو دولتي شرکت مسئولینو سره هم کتلي، یاد شرکت او افغانستان اړوند ادارو سره د تخنیکي همکاریو، متخصصینو د لېږلو او رونیز پروګرامونو د برابرولو ډاډ یې ورکړی.