د اسلامي امارت ویاند مولوي ذبیح الله مجاهد د حکومت رسنیو مرکز کې د افغانستان پراختیایي تګلارې په اړه معلومات رسنیو سره شریک کړل.

 مولوي ذبیح الله مجاهد ویلي، د اسلامي امارت پراختیاي تګلاره د کورنیو ظرفیتونو او سرچینو څخه په استفادې د هېواد لویو او اساسي موخو د ترلاسه کولو لپاره ترتیب او د حکومت د مشرتابه د حکم په اساس منظوره شوې.

 ښاغلي مجاهد ویلي، دغه تګلاره یو جامع، واحد او اږدمهاله سند دی، چې د راتلونکو پنځو کلونو لپاره د هېواد بنسټیزو موخو ترلاسه کولو لپاره جوړه او ټولي دولتي سرچینې په یو واحد مسیر رهبري کوي.

 یاده تګلاره د «ښې حکومتولۍ، نړیوالو اړیکو، امنیت، عامه نظم، اقتصاد، ټولنیزه پراختیا، طبیعي سرچینو اغېزمنتیا، پایدونکې ګټې اخیستنې، انرژۍ برابرېدل، کرنې او مالدارۍ پراختیا، د مالي مدیریت ښه والي، برېښنايي تادیاتو پراختیا، روغتیايي خدمتونو ښه والي، خوړو خوندیتوب، پوهنې، بشري سرچینو او کلتوري پراختیا، مخابراتو او معلوماتي ټیکنالوژۍ پراختیا او د ټرانسپورټ او ټرانیزیټي زیربناوو پراختیا په کې شامل دي.»

 ذبیح الله مجاهد هېوادوالو ته ډاډ ورکړی، چې د دغه اوږدمهاله سند په پلي کولو سره به غوره پایلې ترلاسه او بنسټیزو موخو ته د رسېدو لپاره به یو منظم چوکاټ جوړ او په تدریجي توګه اغېزناکې کړنې ترسره شي.