د مالیې وزارت مسئولین وایي، د اسلامي امارت مشرتابه د فرمان له مخې ټول هېواد کې د ملکي او نظامي متقاعدینو حقونو ورکړې پروسه بیا پیلیږي.

د مالیې وزارت د متقاعدینو عمومي رئیس کابل کې یوې خبري ناستې ته ویلي، دغه پروسه به د یو منظم پلان او مهالوېش له مخې پيل شي.

د معلوماتو له مخې هغو متقاعدینو ته حقونه ورکول کیږي، چې اسناد یې د ځانګړې محکمې له لوري طی مراحل شوي وي.

د یادونې ده، چې اسلامي امارت د متقاعدینو اسنادو ثبت په موخه ځانګړې محکمه جوړه کړه او له متقاعدینو یې وغوښتل له اړوند اسنادو سره یادې محکمې ته مراجعه او د خپلو اسنادو تائیدي واخلي.