د اسلامي امارت مشرتابه کندهار ولایت مقام کې علماء کرامو ته وینا کړې او دوی ته یې د شته ستونزو د حل په اړه لارښوونې کړې.

 د اسلامي امارت مرستیال ویاند ملا حمدالله فطرت لیکلي، د اسلامي امارت مشرتابه د غونډې ګډونوالو ته مهمې توصیې او سپارښتنې وکړې.

 د اسلامي امارت مشرتابه علماوو ته په خطاب کې ویلي، د علماوو مسؤلیت دروند دی په کار ده، چې علماء کرام یې په ښه توګه اداء کړي په خبره یې. د ټولنې ټول ځوانان ورته د خپلو اولادونو په څېر دي او د اصلاح هڅې یې کوي.

 دې ناسته کې علمانو ته توصیه شوې، چې خلکو ته د ترافیکي پیښو په هکله چې په دې وروستیو کې یې د ګڼو افغانانو ژوند اخیستی پوهاوی ورکړي، تر څو خلک پخپله ځانونو د هلاکت کندې ته ونه غورځوي.

 یاده دې وي، چې په غونډه کې علماوو کرامو هم خبرې کړې او اوسنی اسلامي نظام یې د خلکو اصلاح او د هر ډول فساد د له منځه وړلو په برخه کې ښه فرصت یاد کړی.د اسلامي امارت مشرتابه داسې مهال هېواد کې د ترافیکي مخنیوي په اړه خلکو ته په پوهاوي ورکول ټینګار کړی، چې دې وروستیو کې هېواد کې ټرافیکي پېښي زیاتې شوې، چې لامل یې له ټرافیکي اصولو سرغړونه او بې احتیاطي په ګوته شوي.