هېواد کې د ۱۰زره میګاواټه برېښنا تولید هوکړه لاسلیک شوه
د اوبو او انرژۍ وزارت او عزیزي انرژۍ انویسټ ترمنځ د ۱۰ میلیارده ډالرو په پانګونې د ۱۰زره میګاواټه برېښنا د تولید، انتقال او سب سټېشنونو جوړولو هوکړه لاسلیک شوه.
د برېښنا دغه پروژه چې چارې به یې ۷ کلونو کې بشپړې شي د تېلو، ګاز، باد، اوبو او لمریزې سرچینو څخه برېښنا تولید کړي.
د اسلامي امارت چارواکي یاده پروژه د هېواد اقتصادي خپلواکۍ برخه کې مهمه او حیاتي بولي.
د یادونې ده، چې دغه تړون به هېواد کې د انرژۍ تولید برخه کې نوی فصل پرانیزي او په پلي کېدو سره به یې د برېښنا تولید برخه کې هېواد ځان بسیاینې ته ورسیږي.
