د اسلامي امارت د همکارانو پر ضد د پخوانۍ ادارې ټول احکام لغوه شول
عدلیې وزارت د عالیقدر امیرالمؤمنین حفظه الله د فرمان له مخې ویلي، د اسلامي امارت همکارانو پر ضد د پخوانۍ ادارې ټول صادر شوي فرمانونه لغوه شوي دي.
دغه وزارت زیاته کړې، چې د همدې فرمان په اساس د یادو کسانو په اړه د پخوانۍ ادارې د محکمو له لوري صادر شوي ټول حکمونه نور د باور وړ نه دي.
په دغه فرمان کې اړونده ادارې مکلفې بلل شوي چې د یادو کسانو په اړه معلومات له بایومټریک سیسټم، عدلي تعقیب، د جزایي ادارو پرېکړو او نورو برېښنایي سیسټمونو څخه لرې کړي.
