له خوست څخه سعودي عربستان ته مستقیمې الوتنې پیل شوې
ټرانسپورټ او هوایي چلند وزارت خبر ورکړی، چې پرون چهارشنبه له خوست نړیوال هوایي ډګر څخه د سعودي عربستان جدې ښار ته د کام ایر هوایي شرکت له لوري مستقیمې الوتنې پیل شوې.
یاد وزارت ویلي، چې له دې وروسته به له خوست څخه جدې ته په هره اونۍ کې یوه الوتنه ترسره کیږي.
د یادونې ده، چې له دې وړاندې د خوست له نړیوال هوایي ډګر څخه متحده عربي امارتو دوبی او العین ښارونو ته هم مستقیمې الوتنې شوې وې.
