پنجشېر کې د نجونو لېسه کې اورلګېدنه قصدي نه ده
دا اورلګېدنه تېره شپه د پنجشېر مرکز بازارک اړوند د نجونو لېسه کې رامنځته شوې، چې ځېنې ټولګي یې سوځېدلي دي.
د پنجشېرامنیه قومندانۍ ویاند عابدالله فاروقي ویلي، امنیتي ځواکونو اور په وخت مهار کړی او د زیاتو زیانونو مخنیوی یې کړی دی.
عابدالله فاروقي ویلي، د دې اورلګېدنې په تړاو یې د لېسې د ساتونکي په ګډون درې تنه نیولي او د څېړنو وروسته روښانه شوه، چې اورلګېدنه قصدي نه بلکه سهوا رامنځته شوې ده.
د نوموړي په خبره، نیول شویو کسانو د دې لېسې د ښوونکو په لارښوونه غوښتل د غومبسو ځاله وسوځوي، خو وروسته اورلګېدنه پراخه او د هغوی له کنټرول ووتله.
