افغانستان کې د فري فایټ پر سیالیو بندیز ولګېد
د افغانستان د بدني روزنې او سپورټ ریاست حریت راډیو ته منلې، چې پر فري فایټ بندیز یې د امر باالمعروف او نهي عن المنکر وزارت د تازه مکتوب له لارې لګولی دی.
د امر باالمعروف او نهي عن المنکر وزارت له لوري د افغانستان بدني روزنې او سپورټ ریاست ته په لېږل شوي مکتوب کې راغلي، فري فایټ یا ازادې سیالۍ له تاوتریخوالي ډکې دي او د لوبغاړو د مرګ ګواښ په کې شته نو په همدې اساس یې پر لوبو بندیز لګېدلی.
