د کابل او تاشکند ترمنځ ټول ۲۵ هوکړه لیکونه لاسلیک شوي
د افغانستان صنعت او سوداګرۍ وزارت وایي، دا هوکړه لیکونه کابل ته د ازبکستان پلاوي د سفر په مهال لاسلیک شوي دي.
سرچېنه وایي، کابل کې د ازبکستان د محصولاتو او تولیداتو نندارتون او د دواړو هېوادونو د سوداګریز پیوستون کنفرانس د ۲.۵ میلیارد ډالرو په ارزښت د ۲۵ هوکړو په لاسلیک سره پای ته ورسېد.
د دې نندارتونونو د پای مراسمو کې د هېواد د صنعت او سوداګرۍ وزیر نورالدین عزیزي ویلي، ازبکستان د افغانستان صادراتو ته له ۱۰- ۷۵ سلنې تخفیف ورکړی دی.
نور الدین عزیزي ویلي، د دې تخفیف ترڅنګ یې د افغانستان صادراتي توکو ته بازار او لازمې اسانتیاوې برابرې کړې، څو چین او د منځنۍ اسیا هېوادونو ته په مناسبه بیه صادرات ولرو.
