مولوي عبدالکبیر د شهید هنیه جنازه کې ګډون لپاره قطر ته ورسېد
د اسلامي امارت ویاند مولوي ذبیح الله مجاهد ویلي، د ریاست الوزراء سیاسي مرستیال مولوي عبدالکبیر د یو پلاوي په مشرۍ تر ایران وروسته قطر ته رسېدلی.
ذبیح الله مجاهد وایي، نوموړی به د دې سفر په ترڅ کې د شهید دوکتور اسماعیل هنیة په جنازه کې ګډون وکړي.
د یادونې وړ ده، چې د حماس سیاسي دفتر مخکینی مشر دوکتور اسماعیل هنیه وړمه شپه په تهران کې په یوه برید کې په شهادت ورسېد.
