پنجشېر کې لسګونه په نشه يي توکو روږدي کسان روغتون ته انتقال شول
د پنجشېر ولایت د امنیه قومندانۍ ویاند عابدالله فاروقي وایي، امنیتي ځواګونو لسګونه په نشو روږدي د دې ولایت له بېلابېلو سیمو راټول کړي، چې د درملنې په موخه یې د رخې ولسوالۍ ۴۰ بستریز روغتون ته لېږدولي دي.
فاروقي زیاته کړې، دغه روږدي به تر درملنې وروسته خپلو کورنیو ته وسپاري.
دا په داسې حال کې ده، چې د اسلامي امارت له بیا واکمنېدو سره د پنجشېر رخې ۴۰ بستریز روغتون کې د لسګونو روږدو درملنه شوې او خپلو کورنیو ته سپارل شوي دي.
