د یمن حوثي ځواکونو د اسرائیلو په پلازمېنه د بې پیلوټه الوتکې برید کړی
الجزیرې خبري شبکې خبر ورکړ، چې حوثي ځواکونو نن سهار د اسرائیلو په پلازمېنه تل ابیب ښار د بې پیلوټه الوتکې برید کړی.
د اسرائیلو پولیسو د دې برید په تائید سره ویلي، چې یوه بې پیلوټه الوتکه تل ابیب ښار کې له یوې ودانې سره جنګېدلې چې یو تن په کې وژل شوی او ۸ تنه نور ټپیان شوي دي.
بلخوا د حوثي ځواکونو ویاند یحی سریع ویلي، دغه برید یې د نوې یافا بې پیلوټه الوتکي په وسیله کړی دی.
نوموړي ویلي، د اشغالي فلسطین ټولې سیمې د حوثي ځواکونو تر بریدونو لاندې دي او د دا ډول نورو بریدونو ګواښ یې کړی دی.
