د امریکا ولسمشر جوبایډن قرنطین شو
وړاندې تر دې په کرونا ناروغۍ د امریکا ولسمشر جوبایډن د اخته کېدو خبرونه ورکړل شوي و، خو تازه معلومات بیا دا دي چې جوبایډن کوویډ ــ ۱۹ معایناتو پایله مثبته ده او نوموړی اوس مهال قرنطین دی.
که څه هم بایډن ویلي، چې وضعیت یې ښه دی، خو رویټرز خبري اژانس تر الوتکې څارلی او لیکلي یې دي، بایډن الوتکې ته د ختلو پر مهال له ساه لنډۍ سره مخ وو.
۸۱ کلن بایډن چې روغتیايي وضعیت یې ښه نه دی داسې مهال په کرونا اخته شوی، چې ډیموکراټ ګوند یې د خپل سیال جمهوریت غوښتونکي ګوند د نوماند ډونالډ ټرمپ په وړاندې په ټاکنیزو کمپاینونو کې پڅ ویني.
