یونیسف افغانستان کې د ۱۹۰ښوونځیو ودانۍ بیا رغوي
په افغانستان کې د ملګرو ملتونو له ماشومانو څخه د ملاتړ صندوق یا یونیسف خبر ورکړی، چې دغه بنسټ هوډ لري روان کال په افغانستان کې د ۱۹۰ لومړنیو ښوونځیو ودانۍ بیا ورغوي.
د یاد بنسټ د خبر له مخې د دغو ښوونځیو بیارغولو سره به ماشومانو ته د زده کړو ښه زمېنه برابره شي.
د دغه نړېوال بنسټ په خبره، په افغانستان کې د ۱۹۰ښوونځیو ودانیو بیارغولو سره به ۲۰۰ زره زده کوونکو لپاره مناسب ښوونیز چاپېریال برابر شي.
