د افغانستان او بنګلدیش تر منځ نننۍ لوبه نهايي سختې مرحلې ته رسېدلې وه، بنګالۍ لوبډلې یواځې ۸ منډو ته اړتیا درلوده خود افغان لوبډلې چټک توپ اچوونکي نوین الحق یې نیمه پای لوبې ته تګ ناممکن کړ.
افغان لوبډلې د لوبې ټاس یا پچه وګټله او د توپوهنې پرېکړه یې وکړه.
ملي لوبډلې په ټاکل شویو ۲۰ اورونو کې د پنځو لوبغاړو په زیان بنګله‌دېش ته ۱۱۵ منډې هدف وټاکه.
سیالې بنګله‌دېشۍ لوبډلې د ټولو لوبغاړو په زیان د افغان لوبډلې د ټاکلي هدف په ځواب کې ۱۰۵ منډې وکړې.
راشدخان د ښې توپ ‌اچونې پر مټ د بنګله ‌دېش څلور لوبغاړي وسوځول او د لوبې غوره لوبغاړی وپېژندل شو.
افغانستان به د راتلونکي لوبې لپاره په نیمه پایلوبه کې خپله لومړنۍ لوبه له سویلي افریقا سره کوي.