اسراييلي ټانګونو د رفح ښار لوېدیځ کې د بې ځایه شویو فلسطینیانو پر کمپونو برید وکړ، د ښځو او ماشومانو په ګډون یې کم تر کمه ۲۱ کسان شهیدان کړل.

دا د بې ځایه شویو کډوالو پر کمپونو له هوايي برید وروسته د اسراییلي رژیم بل ځمکنی برید دی چې پر بې دفاع ښځو او ماشومانو کېږي.

د اسراییلو دغه ځمکني برید ته په غبرګون د ملګرو ملتونو امنیت شورا بیا بېړنۍ غونډه رابللې ده.

وړاندې تر دې د ملګرو ملتونو انساني حقونو استازې، پر اسراییلو د بندیزونو غوښتنه کړې وه.

د اسراییلي رژیم د روانو جنګي جنایتونو پر ضد ورځ تربلې نړېواله کرکه او غبرګونونه په زیاتېدو دي.

تازه دریو اروپايي هېوادونو، هسپانیې، اېرلنډ او ناروې د فلسطین دولت په رسمیت وپېژندلو.