بغلان کې سېلاب ځپلو ته روغتیايي کمپ جوړ شوی
عامې روغتیا وزارت خبر ورکوي، چې د بغلان ولایت د وروستيو سېلاب ځپلو ټپیانو د درملې په موخه یې د دې ولایت برکه ولسوالۍ کې یو روغتیایي کمپ جوړ کړی دی.
د عامې روغتیا وزیر ډاکټر قلندر عباد دې کمپ کې د وړاندې کېدونکو خدماتو د ارزونې او کتنې په موخه برکې ولسوالۍ ته سفر کړی.
د یادونې ده، چې د ریاست الوزرا اقتصادي مرستیال ملا عبدالغني بردار په ګډون یو شمیر نور مسؤولین لا هم د بغلان سېلاب ځپلو ته د غوره رسیدنې په موخه یاد ولایت کې دي.
