په ټول هېواد کې بې سرپرسته او اړمنو ماشومانو ته ۷۰ روزنتونونه جوړېږي
د کار او ټولنیزو چارو وزارت وایي، را روان ۱۴۰۳ کال کې په ټول هېواد کې د بې سرپرسته ماشومانو لپاره ۷۰ روزنتونونه جوړېږي.
د دې وزارت ویاند سمیع الله ابراهیمي وایي، په یادو روزنتونونو کې به هلکانو او نجونو ته په جلا جلا ډول زده کړې ورکول کېږي.
ښاغلي ابراهیمي زیاته کړې، چې د یتیمانو د ملاتړ لپاره یي له خصوصي سکتور سره د څه باندې ۳ میلیارده افغانیو ارزښت تر ۵۰ زیات تړونونه لاسلیک کړي دي.
د نوموړي په خبره، چې دا مهال په هېواد کې شاوخوا ۱۰ زره یتیمان او بې سرپرسته ماشومان په دولتي او خصوصي روزنتونو کې روزل کېږي.
