د برېښنايي بانکوالۍ د پراختیا او پرمختګ لپاره په ټول توان هڅه وکړئ
د افغانستان بانک رئیس ملا هدایت الله بدري د الکترونیکي بانکوالۍ د پراختیا په موخه ناسته کې د بانک اړوند برخې کارمندانو ته ویلي، چې په هېواد کې د الکترونیکي بانکوالۍ د پراختیا او ودې لپاره په ټول توان هڅه وکړئ.
په دې ناسته کې ښاغلي بدري برېښنایي بانکوالي د ننني عصر غوښتنه او اړتیا بللې ده.
نوموړي د دې برخې له اړوند کارکوونکو څخه غوښتي، چې د دې بانکوالۍ د پراختیا لپاره هڅو سره له دې لارې هېوادوالو ته د غوره خدمتونو د وړاندې کولو زمینه برابره کړئ.
