پر پاکستاني پولیسو ننۍ چاودنه؛ ۲۲ تنو ته مرګ ژوبله اوښتې
پاکستاني رسنیو ویلي، چاودېدونکي توکي په موټر سایکل کې ځای پر ځای شوي و.
نوایي وقت پاکستاني ورځپاڼې د خپلو سرچینو په حواله ویلي، امنیتي منسوبین له دندې د را ګرځېدو په مهال و، چې مستونګ ولسوالۍ اړوند پر دشت روډ کې پرې چاودنه وشوه.
سرچینه وايي، چاودنه کې درې امنیتي منسوبین وژل شوي او ۱۹ نور ټپیان دي، د ټپیانو له ډلې د څو کسانو وضعیت نازک ښول شوی.
د یادونې وړ ده، چې وروستیو کې پر پاکستاني پوځیانو او پولیسو چاودنې او وسلوال بریدونه ډېر شوي دي، چې پاکستانی حکومت یې مهار کې پاتې راغلی.
