د احصایې او معلوماتو ملي ادارې شمېرې ښيي چې د تېر ۱۴۰۳ کال کب میاشت کې د همدې کال د دلوې میاشتې په پرتله د ډالرو پر وړاندې د افغانیو ارزښت ۳.۱ سلنه زیات شوی.

یادې ادارې ویلي، د ۱۴۰۳ کال دلوې میاشت کې یو ډالر په ۷۴.۷ افغانۍ تبادله کېده، په داسې حال کې چې د کب میاشت کې د یو ډالر بیه ۷۲.۴ افغانۍ ته راټیټه شوې.

هغه شمېرې چې د احصایې او معلومات ملي ادارې له لوري اعلان شوې ښيي، چې د کب میاشت کې د خوراکي توکو بیې هم ۰.۲ سلنه راټیټې شوې دي.

اقتصادي شنونکي په بازار او اسعارو د حکومت جدي کنټرول او بهر ته د  بهرنیو اسعارو قاچاق مخنیوی د افغانیو بیې لوړېدو له عمده لاملو څخه بولي.