د هرات ولایت ځایي سرچینو خبر ورکړی، چې د کانونو او پټرولیم وزیر ملا هدایت الله بدري د یو لوړ پوړي پلاوي په مشرۍ هرات ته تللی او د ټاپي پروژې له چارو یې لیدنه کړې.

له کانونو وزیر سره دې سفر کې د هرات والي ملا نور احمد اسلام جار، د اطلاعاتو او کلتور وزارت مرستیال حیات الله مهاجر فراهي او د ترکمنستان لوړ پوړی پلاوي هم ملتیا کوي.

د ټاپي پروژې چارې چې د اسلامي امارت په نوښت د افغانستان په خاوره کې پیل شوې تر اوسه د افغانستان په خاوره کې د دغې نل لیکې د غځونې چارې ۱۱ کیلومټره مخته تللې دي.

ټاپي پروژه چې د افغانستان اقتصادي پیاوړتیا لپاره مهمه پروژه ده، د سیمي اقتصادي همکاریو پراختیا کې حیاتي رول لري د دې پروژې کارونه تېر کال د اسلامي امارت په هڅو پیل شول.