د افغانستان کرېکټ ملي لوبډله د اتلانو جام سیالیو پر دوام نن چهارشنبه برخلیک ټاکونکې لوبه کې د انګلستان پر وړاندې د لوبې ډګر ته ښکته کېږي.

دغه لوبه به ۱:۳۰ دقیقې د پاکستان لاهور ښار کې پیل شي چې د دواړو لوبډلو لپاره بل پړاو ته د لارموندنې لپاره برخلیک ټاکونکې ګڼل کېږي.

د کرېکټ ملي لوبډلې کپتان حشمت الله شاهدي د یوه خبري کنفرانس پر مهال ۲۰۲۳ کال نړېوال جام کې دانګلستان ماتې ته په اشارې ویلي، ملي لوبډله له تر خپل توان هڅه وکړي، چې بیا ځلې دغې لوبډلې ته ماتې ورکړي.

افغان لوبډلې د اتلانو لیګ لومړۍ لوبه کې د سویلي افریقا پر وړاندې د ۱۰۷ منډو په توپیر ماتې ومنله.

د یادونې ده، چې د اتلانو جام A ګروپ کې د هند او نیوزیلنډ لوبډلو نیمه پایلوبې ته لار موندلې او د B ګروپ برخلیک، چې د افغانستان، اسټرالیا، سویلي افریقا او انګلستان لوبډلې په شاملې ده تر اوسه نه دی معلوم شوی.