سردار داوودخان روغتون نور د ملکي ناروغانو لپاره هم بستر لري
د اسلامي امارت اقتصادي معاونیت له لوري په خپره شوې خبر پاڼه کې راغلي، چې سردارداوودخان روغتون کې یو شمیر نوې برخې ګټې اخېستنې ته سپارل شوي دي.
سرچېنې لیکلي، د ریاست الوزراء اقتصادي مرستیال ملا عبدالغني برادر له لوري نن پنجشبه ددغه روغتون نوې ۱۰۰ بستریزه څانګه، د ملکي ناروغانو لپاره جوړ شوی روغتون او همدا راز د اېن کې سي کمپ سپارل شامل دي چې په نویو عصري طبي تجهیزاتو سمبال دي.
په دغو مراسمو کې د ملي دفاع وزیر مولوي محمد یعقوب مجاهد او د وسلوالو ځواکونو لوی درستیز قاري فصیح الدین فطرت هم ګډون درلود.
