پاکستان کې افغان سفیر د اسلامي نړۍ د یووالي سازمان مشر سره کتلي
اسلام اباد کې د افغانستان سفیر سردار احمد شکېب د اسلامي نړۍ د یووالي او همکارۍ سازمان مشر سعد بند مسعود الحارثي سره کتنه کې په دوه اړخیزو اړیکو خبرې کړې دي.
دغه کتنه چې د افغانستان سفارت انګړ کې شوې اسلامي نړۍ کې د یاد سازمان د فعالیتونو، علمي کنفرانسونو او اړوند موضوعاتو خبرې شوې.
دې کتنه کې د کابل او ریاض ترمنځ دوه اړخیزو اړیکو کې د وروستیو پرمختګونو په اړه بحث شوی دی.
دغه کتنه داسې مهال کېږي، چې وړمه ورځ کابل کې د سعودي عربستان سفارت خپل سفارتي خدمات بیرته له سره پیل کړل.
