بلخ کې یو چینایي سوداګر مسلمان شو
د بلخ ولایت مقام ویلي، دغه چینایي سوداګر چې وانګ فیکي نوم لري تر مسلمانېدو ورسته سیمه ییزو مسئولینو د یو لړ مراسمو په ترڅ کې نوم عبدالله محمد پرې ايښي دی.
دغه چینایي سوداګر چې تازه یې اسلام دین منلی وایي، غواړي له اسلامي امارت سره په ګډه بلخ کې د یو شمېر فابریکو په جوړولو کې مرسته وکړي.
د یادونې ده، چې څو ورځې وړاندې کندهار کې هم یو بهرنی وګړی مسلمان او د اسلام پر مبارک دین مشرف شو.
