ننګرهار بېلابېلو سیمو کې شدید باران او طوفان رامنځته شوی، چې ګڼو کسانو ته یې مرګ ژوبله اړولې ده.

د عامې روغتیا وزارت ویاند ډاکټر شرافت زمان خبر ورکړی، ابتدایي معلومات ښيي، چې یاد ولایت کې د دې اورښتونو او طوفان له امله ۲۳۰ تنه ټپیان دي او ۳۵ تنه نور مړه شوي دي.

ډاکټر زمان زیاتوي، چې ټپیان ولایتي روغتونونو ته وړل شوي دي.
د نوموړي په خبره، په ولایتي کچه روغتونونو کې تیاری نیول شوی او خدمات جریان لري.

د حریت خبریال له ننګرهار وايي، چې ولایتي مسؤلین یاد ارقام وروستي نه ښيي او وايي، چې ارقام د زیاتېدو په حال کې دي.

بلخوا د ننګرهار د طبیعي پېښو پر وړاندې د مبارزې رئیس سیف الله خالد حریت نیوز ته ویلي، چې د دې ولایت د سره رود ولسوالۍ مستي خېلو کلي کې د اورښتونو له کبله د یوه کور د چت پرېوتو له امله ۱۵کسانو ته مرګ ژوبله اوښتې ده؛ خو دا دقیقه نه ده، چې دا مرګ ژوبله پورته ارقامو کې شامله که نا.
نور جزیات وروسته...
ویب سایټ لېنک: https://hurriyat.net