د ټرمپ څرګندونو ته غبرګون؛ ا.ا.ا پر بهرنیو مرستو متکي نه دی
د افغانستان اقتصاد وزارت د امریکا ولسمشر ډونالډ ټرمپ وروستیو څرګندونو ته په غبرګون کې ویلي، اسلامي امارت په هیڅ صورت په بهرنیو مرستو متکي نه دی.
د اقتصاد وزارت مسلکي مرستیال عبداللطیف نظري یوې خصوصي رسنۍ سره په مرکه کې ویلي، د ټرمپ ګواښونه به د اسلامي امارت په پرېکړو هیڅ اغېز ونه کړي.
ښاغلي نظري ویلي، اسلامي امارت په هره برخه کې خپلواک نظام دی، هیڅکله هم په بهرنیو مرستو متکي نه و.
د یادونې ده، چې ټرمپ د لوړې مراسمو نه مخکې ویلي و، چې افغانستان ته د امریکا بشري مرستو دوام د امریکا پوځي تجهیزاتو په بیرته ورکولو پورې مشروطې دي.
