د افغانستان د بهرنیو چارو وزارت ا.ا کرمان ښار کې دغه چاودنې غندلې او د اوښتې مرګ ژوبلې له امله یې د ایران دولت ته تسلیت ویلی.

د افغانستان بهرنیو چارو  وزارت تازه د یوې اعلامیې په خپرولو سره د ایران کرمان ښار اړوند د سپاه پاسداران پخواني قومندان قاسم سلیماني زیارت ته څېرمه پرونۍ غبرګې چاودنې غندلې دي.

اعلامیه کې راغلي چې اسلامي امارت یادې چاودنې غندي او د اوښتې درنې مرکژوبلې له امله د ایران دولت خلکو او په ځانګړي ډول د قربانیانو کورنیو ته تسلیت وایي.

د ایراني رسنیو د راپورونو له مخې د ایران کرمان ښار ګلزار سیمې دخولي دروازه کې د تېرې ورځې غبرګو چاودنو کې ۱۰۳ تنو ژوند بایللی او تر ۲۱۳تنه نور ټپیا شوي دي.