مولوي عبدالکبیر د کډوالو چارو وزارت سرپرست وټاکل شو
د اسلامي امارت ویاند مولوي ذبیح الله مجاهد خبر ورکړی، چې د رئیس الوزراء مخکېنی سیاسي مرستیال مولوي عبدالکبیر د کډوالو او بېرته راستنېدونکو چارو وزارت سرپرست ټاکل شوی دی.
د کډوالو او بېرته راستنېدونکو چارو وزارت مخکېنی وزیر شهید خلیل الرحمن حقاني څو اوونۍ وړاندې وزارت دننه په یوه برید کې په شهادت رسېدلی و.
ښاغلي مجاهد د رئیس الوزراء سیاسي مرستیالي ته د بل چارواکي ټاکنې په اړه څه نه دي ويلي.
