د عدلیې وزارت خبر ورکړی، چې د ځمکو له غصب څخه د مخنیوي کمېسیون تر څېړنو وروسته بلخ کې ۱۶ زره جریبه ځمکه دولتي تثبیت شوې ده.

یاد وزارت ویلي، دغه ځمکې د شهید بلخي ښارګوټي، دشت شور، هاشمي ښارګوټي او شولګرې ولسوالۍ سربېره د یاد ولایت په بېلابېلو سیمو کې دولتي تثبت شوې دي.

په ورته مهال یاد وزارت ویلي، جوزجان ولایت کې یې هم د ۳۹ زره جریبه ځمکې اسناد څېړلي او د دغو ځمکو دوسیې د وروستۍ پرېکړي لپاره مرکزي کمېسیون ته استول شوې دي.

د یادونې ده، چې د اسلامي امارت له بیا واکمنېدو او له غصب څخه د ځمکو مخنیوي کمېسیون جوړېدو وروسته ټول هېواد کې په لسګونه زره جریبه ځمکې بیرته له غاصبینو راګرځول شوې دي.