توریزم د هېوادونو ترمنځ د اړیکو په پراختیا کې مهم رول لري
د هېواد د اطلاعاتو او کلتور وزیر ملا خیرالله خیرخواه سن پیټرزبرګ کې د کلتوري یووالي ناستې څنډه کې د ازبکستان د کلتور وزیر ازادبیک اف سره کتلي.
دې کتنه کې دواړو لوریو د افغانستان او ازبکستان ترمنځ د ګرځندوی صنعت پر ودې او پراختیا ټینګار کړی دی.
افغان وزیر په افغانستان کې موجوده امنیت په هېواد کې د ګرځندوی ودې لپاره مناسب فرصت بللی دی.
بلخوا د ازبکستان د کلتور وزیر ازادبیک اف د افغانستان او ازبکستان ترمنځ د سیاسي او کلتوري اړیکو پر پیاوړتیا ټینګار کړی او ژمنه یې کړې، چې هېواد یې افغانستان سره د ګرځندوی ودې صنعت برخه کې د خپلو تجربو شریکولو کې مرسته وکړي.
