د ملګرو ملتونو او اسلامي امارت ترمنځ اړیکې پیاوړې شوې
د ملګر ملتونو سرمنشي مرستیال جیل مشاو او کابل کې د دغه سازمان د امنیت مسئول اندریکا راټ واټ د کورنیو چارو وزیر خلیفه سراج الدین حقاني سره کتلي.
دې کتنه کې د ملګرو ملتونو د سرمنشي مرستیال جیل مشاو ویلي، د اسلامي امارت او ملګرو ملتونو ترمنځ اړیکې پیاوړې شوې او د دې سازمان د کارکوونکو امنیت خوندي شوی دی.
مشاو افغانستان سره د مرستو پر دوام هم خبرې کړې دي.
بلخوا دې کتنه کې د کورنیو چارو وزیر خلیفه سراج الدین حقاني ویلي، د ملګرو ملتونو سازمان غړي یا بل هر مرستندویه بنسټ کارکوونکي کولی شي په ډاډمن ډول خپل فعالیتونو ته دوام ورکړي.
نوموړي د بشپړ امنیت ډاډ ورکړی دی.
