پاکستان د بې اسناده افغان کډوالو د وېستلو دویم پړاو پیلوي
د پاکستان کورنیو چارو وزیر محسن نقوي دا څرګندونې د یوناما له مرستیال انډریکا راتوات سره کړي دي.
نقوي ویلي، هیڅوک اجازه نه لري چې د قانوني اسنادو پرته پاکستان کې پاتې شي.
د پاکستان کورنیو چارو وزیر د کډوالو په بیرته ستنولو کې د ملګرو ملتونو او نړېوالې ټولنې پر رول ټېنګار کړی دی.
د افغان کډوالو د ایستلو لومړی پړاو د تېر کال په اکتوبر میاشت کې پیل شو، او په لړ کې یې شاوخوا ۶۰۰ زره افغان کډوال له پاکستان څخه وایستل شول.
