د افغانستان اسلامي امارت رئیس الوزراء ملا محمد حسن اخوند په مشرۍ د کابینې څلورمه غونډه کې په یو شمېر موضوعاتو خبرې او پرېکړې شوې. 

د کابینې دې غونډه کې د عامې روغتیا وزارت ته دنده سپارل شوې، چې د درملو نرخونه کنټرول کړي او له اصلي نرخ یې په لوړه بیه د پلور مخنیوی وکړي. 

د کابینې غونډه کې د هېواد له ټولو درملتونونو غوښتنه شوې، چې درمل په مناسب قیمت وپلوري او د خلکو له مجبوریت څخه دې ناوړه استفاده نه کوي. 

همداراز دې غونډه کې کورنیو چارو وزارت ته دنده سپارل شوې، چې نورو اړوند ارګانونو سره په همغږۍ دې د انساني قاچاق مخنیوي په برخه کې اقدامات وکړي.