چین کې د اورلګېدنې له امله ۱۶ تنه وژل شوي
CNN امریکایي رسنۍ خبر ورکوي، چې د چین په جنوب لویدیځ کې په یوه سوداګریز مرکز کې د اورلګېدنې له امله ۱۶ تنه وژل شوي دي.
د CNN خبري شبکې د راپور له مخې، دا اورلګیدنه پرون د چین د سېچوان ولایت زیګونګ ښار یوه ودانۍ کې رامنځته شوې او نن د پنجشنبې په سهار کنټرول شوې ده.
ویل کیږي چې شاوخوا ۳۰۰ تنه ژغورونکي او لسګونه د اور وژنې ماشینونه د پېښې ځای ته استول شوي او شاوخوا ۳۰ تنه له اور څخه ژغورل شوي دي.
په همدې حال کې ځايي چارواکو ويلي، لومړنۍ څېړنې د اورلګېدنې لامل ساختماني چارې ښیي.
