دوحې ناسته کې مطرح شويو مسایلو کې پرمختګ به په راتلونکو ناستو هم تاثیر ولري
د بهرنیو چارو وزارت درېیم سیاسي رئیس ذاکر جلالي وایي، د دوحې درېیمې ناستې په پای کې به د افغانستان پلاوي مشر د مالي او بانکي تحریمونو او همداراز په اقتصادي او سوداګریزو برخو کې د پرمختګونو په اړه خبرې وکړي.
ښاغلي جلالي په خپله اېکس پاڼه لیکلي، نشه یې توکي له تېرې دورې ورته په میراث پاتې دي، چې له دغې پدیدې سره د مبارزې یوې برخې مسئولیت لویدیځو هېوادونو ته ورګرځي، چې باید خپل مسئولیت ادا کړي.
ویل کېږي د دوحې درېیمې ناستې په پای کې به تر ازاد بحث وروسته یاده ناسته رسما پای ته ورسېږي.
